Главная » 2023 » Yanvar » 22 » Afg‘onistonda anomal sovuqdan o‘lganlar soni 100 dan oshdi

---

21:49 Afg‘onistonda anomal sovuqdan o‘lganlar soni 100 dan oshdi

"Tolibon” Favqulodda vaziyatlar vazirligi 10-yanvardan buyon Afg‘onistonda 104 kishi anomal sovuq oqibatida vafot etganini ma’lum qildi. Bu haqda Etilaatroz xabar berdi. Vazirlikning rasmiy vakili Shafiulloh Rahimiy mamlakatda sovuqdan vafot etganlar statistikasini e’lon qildi. Afg‘onistonning 16 ta viloyatida 104 kishi sovuq havo tufayli yuzaga kelgan muzlash va shamollashdan vafot etgan. Ob-havo kamida 50 ta uyga zarar yetkazgan, 70 ming bosh chorva mollari nobud bo‘lgan. Norasmiy manbalar anomal sovuqdan allaqachon 150 dan ortiq odam halok bo‘lgani, ularning aksariyati voyaga yetmaganlar ekanini ta’kidlamoqda. Eng ko‘p qurbonlar va talofatlar Juzjon, Badaxshon, Saripul, Faryob va Bodg‘is viloyatlarida qayd etilgan. Avvalroq Bag‘lon va Hirot viloyatlarida anomal sovuq oqibatida 25 kishi, jumladan, 24 nafar giyohvand va bir nafar cho‘pon halok bo‘lgandi. Bundan tashqari mamlakatda sakkiz mingga yaqin jonivor sovuqdan nobud bo‘lgan. Shuningdek, anomal sovuq qurbonlari 70 kishiga yetgandi.

1 2 3 4 5 Категория: Har-Hil | Просмотров:212 | Добавил: moderator | Теги: yangilik | Рейтинг: 0.0/0

Всего комментариев: 0