Главная » 2020 » Aprel » 5 » DXX Afg‘onistonda qiyin ahvolga tushib qolgan o‘nlab vatandoshlarni O‘zbekistonga qaytargani ma’lum qilindi

---

11:20 DXX Afg‘onistonda qiyin ahvolga tushib qolgan o‘nlab vatandoshlarni O‘zbekistonga qaytargani ma’lum qilindi

Davlat xavfsizlik xizmati xodimlari 2019-yilda chet ellardagi qaynoq nuqtalarda og‘ir sharoitda qolib ketgan vatandoshlarni O‘zbekistonga qaytarishda faol ishtirok etdi. Bu haqda DXX vakillari ma’lum qildi. Jumladan, Prezident Shavkat Mirziyoyev topshirig‘iga ko‘ra, amalga oshirilgan "Mehr 1” va "Mehr 2” gumanitar operatsiyalari doirasida Yaqin Sharq davlatlarida og‘ir sharoitda qolayotgan ayollar va bolalarni O‘zbekistonga olib kelishda xizmat xodimlari faollik ko‘rsatgan. "Shuningdek, Davlat xavfsizligi xizmati tomonidan yot g‘oyalar ta’sirida Afg‘onistonda qiyin holatga tushib qolgan o‘nlab o‘zbekistonliklar o‘z yaqinlari bag‘riga qaytarilgan”, — deyiladi xizmat axborotida. Aynan necha kishi va qachon qaytarilganiga aniqlik kiritilmagan. Ma’lumot uchun, 5-aprel O‘zbekistonda Davlat xavfsizlik xizmati kuni sifatida nishonlanadi. Eslatib o‘tamiz, 2019-yil may oyida "Mehr 1” operatsiyasi doirasida Suriyadan 156 nafar o‘zbekistonlik, asosan ayollar va bolalar, 2019-yil oktabrida esa "Mehr 2” operatsiyasi doirasida Iroqdan 64 nafar bola O‘zbekistonga qaytarilgan edi. O‘zbekiston Prezidenti Shavkat Mirziyoyev Yaqin Sharqdagi qurolli mojaralar hududidan vatandoshlarni qaytarish operatsiyalari haqida to‘xtalar ekan, bir davlat Suriyadan qaytayotgan O‘zbekiston samolyotini urib tushirish bilan tahdid qilganini ma’lum qilgan edi.

1 2 3 4 5 Категория: Har-Hil | Просмотров:663 | Добавил: moderator | Теги: yangilik | Рейтинг: 0.0/0

Всего комментариев: 0