Главная » 2020 » Fevral » 29 » Koronavirus tufayli WADA’ning har yilgi simpoziumi o‘tkazilmaydigan bo‘ldi

---

20:33 Koronavirus tufayli WADA’ning har yilgi simpoziumi o‘tkazilmaydigan bo‘ldi

utunjahon dopingga qarshi kurashish agentligi (WADA) koronavirus tarqalishi sababli har yilgi simpoziumni bekor qildi. Bu haqda tashkilot rasmiy bayonot berdi. Marosim joriy yilning 17—19-mart kunlari Lozanna shahrida bo‘lib o‘tishi rejalashtirilgan edi. "WADA har yili o‘tkazilishi an’ana tusini olgan o‘zining yillik simpoziumini bekor qilganidan afsusda”, — deya tashkilot rahbari Vitold Bankaning so‘zlarini keltirmoqda agentlik. Uning qo‘shimcha qilishicha, marosimda odatda butun dunyodan mingga yaqin kishi ishtirok etadi, ammo hozir "WADA xodimlarining xavfsizligini ta’minlash o‘ta muhim”. Qayd etilishicha, agentlik yaqin haftalar ichida simpozium dasturini ishtirokchilarga boshqa usulda ma’lum qiladi. Simpoziumning bekor qilinishi Shveysariyada mamlakat Federal kengashining mingdan ziyod kishi qatnashuvchi tadbirlar o‘tkazishni taqiqlash haqidagi qarori bilan bog‘liq. Mazkur taqiq 28-fevraldan kuchga kirgan bo‘lib, taxminan 2020-yilning 15-martiga qadar amalda bo‘ladi. Aynan ushbu qaror tufayli Jenevadagi xalqaro avto hamda Watches & Wonders Geneva nomidagi an’anaviy soatlar ko‘rgazmasi ham o‘tkazilmaydigan bo‘ldi. Ma’lumot uchun, ayni damda futbol bo‘yicha Yevro—2020 musobaqasi va Tokio mezbonlik qiladigan 2020-yilgi yozgi Olimpiada o‘yinlarining o‘tkazilishi ham so‘roq ostida turibdi.

1 2 3 4 5 Категория: Har-Hil | Просмотров:549 | Добавил: moderator | Теги: yangilik | Рейтинг: 0.0/0

Всего комментариев: 0